Бокс боюнча Азия чемпионатында Кыргызстандан 3 спортчу беттешет
Бокс боюнча Азия чемпионатында Кыргызстандан 3 спортчу беттешет.
Бокс боюнча жаштар арасында өтүп жаткан Азия чемпионатында бүгүн Кыргызстандан 3 спортчу чыгат. Мелдеш Таиланддын Бангок шаарында 18-январда башталган.
54 кг салмак категориясында Ислам Төрөбаев, 57 кг салмакта Тургунбек Иманкадыров жана 60 кг салмак даражасында Мирзахит Имамназаров үчөө тең Таиланддын мушкерлерине каршы беттешет.
Кыргызстандык спортчулар Бишкек убактысы боюнча саат 13:00 чыгышат.
Белгилей кетсек, буга чейин 48 кг салмакта чыккан Анвар Ходжиев жеңишке жетишкен жок. Чемпионат 26-январда жыйынтыкталат.